مسلمان

مسلمان هغه بنده دے چې ئې شونډې تل موسکۍ وی

سترگې ډکې د رڼا ئې له خولې يو په سل موسکۍ وی

سپين ايمان ئې لکه تندر بې د ځانه هر څۀ سيزی

د جانان د در ايرو ته ئې زلفې ول په ول موسکۍ وی

چې ئې زړۀ ډک د ارام وی لکه ويخ د سمندر وی

خوله ئې ډکه د گلونو لکه باغ د صنوبر

داسې مست داسې سرشار لکه مينه د کافر

اراده کلکه بې کرکې لکه څوکه د خنجر

د وجود هر څاڅکے وينه سره په وينه د دلبر

په سينه کښې ئې رڼا وی لکه څړيکه د جوهر

په ژړا کښې ئې تاثير وی په خندا کښې ئې اثر

مټ ئې بر په هر څۀ بر وی لکه مټ د سکندر

د زړه نور ئې لکه شمع پرې اورونه بل موسکۍ وی

د بلبل دخولې اواز ته دا غوټۍ د گل موسکۍ وی